Нылпиосты Тол бабай но Лымы ныл ӟечкылазы

Озьы Тол бабай но Лымы ныл пиналъёсты  Выль арен ӟечкылазы, ческыт кампет-печенняосын куноязы. Соослы нылпиос гинэ ӧвӧл, бадӟымъёс но туж шумпотӥзы.  Туннэ таӵе йылол вунэмын, Выль ар азьын ульчаосысь гырлыё валъёсты но уд пумита. Нош Татышлы ёросысь Бальзюгае кыкетӥ арзэ ни Выль ар азьын Тол бабай, Лымы ныл но мукет выжыкыл геройёс вуыло. Туэ соос шаплы валэнызы 29-тӥ декабре лыктӥзы. Тол бабай пиналъёсты пӧртэм кузьымъёсын шумпоттӥз. Татын сое чидатэк витё, солы вазь ик кылбур дасяны кутско.

Тол бабайлэн но Лымы ныллэн сюрессы туэ кузь луиз. Соос Выль Татышлыысь но нылпиосын пумиськылӥзы.