«Удмурт нылкышно кенешлы» – 30

Та дыр ӵоже огазеяськонэн трос ужъёс лэсьтэмын, уно проектъёс улонэ пыӵамын. Кылсярысь, куинь сюрслэсь ятыр пиналъёс «Пичи Чеберайёс но Батыръёс» конкурс-фестиваль пыр потӥзы.

 «Удмурт нылкышно кенеш» огазеяськонлэн кылдэмез дырысен 30 ар тырмонлы сӥзем ужрадэ трос калык пыриськиз. Отчы вуизы Удмуртилэн городъёсьтыз, ёросъёсысьтыз нылкышноослэн делегациоссы. Со сяна, ужрадэ Башкортостанысь удмуртъёслэн историяя но культурая центрзы бордысь «Эшъяськон тугоко» нылкышно клублэн ёзчиосыз но вуылӥзы. ИКЦ-лэсь валтӥсь ӧнерчизэ Ирина Самигуловаез отын УР-ысь Кун Кенешлэн Таукаронэныз пусйизы.  

Фото: Удмуртский историко-культурный центр