Тунсыко тугокоос пӧрмытӥзы

Декабрьлэн берло нуналъёсыз Выль ар мылкыдэн  тырмемын. Нылпиос школаосын, клубъёсын но библиотекаосын арлэсь тужгес но бадӟым но шулдыр праздниксэ пумитаны дасясько.

Кылсярысь, 20-тӥ декабре Шудекысь нылпиос  гуртысьтызы библиотекаын радъяськем «Новогодний венок» мастер-классэ пыриськизы.

Кожалод, тугоко лэсьтыны секыт ӧвӧл, нош та уж борды басьтӥськид ке, кема гинэ тыршоно луоз. Библиотекарьлэн Людмила Садыковалэн кылъёсызъя, та выллем ужрадъёс нылпиосты ӵошен кенешыса ужаны, шутэтскон вакытсэс пайдаен ортчытыны дышето.

Озьыен, огшоры нунал нылпиос понна пичи праздниклы пӧрмиз. Нош пиналъёслэн ас киосынызы лэсьтэм тугокоос нуналлы аспӧртэм шӧм пыртӥзы.

Ужрад Выль арлы сӥзем мадиськонъёсын йылпумъяськиз.

Фото: Шудекская сельская модельная библиотека