Вазиськонын лэчыт ужпумъёс ӝутэмын

«Туэ республикаямы улӥсьёс сюлмысь тыршизы, огкылысь луэменызы бадӟым вормон вормонъёс басьтӥзы. Ар капчи ӧй вал ке но, данъяськымонэз вань. Вазиськонам соос пӧлысь котькудӥз сярысь вераны тыршо, - шуиз Радий Хабиров. – Веранме кутско демография бордысен. Вуоно ар Россилэн Президентэзлэн указэныз Семьялэн ареныз ялэмын. Озьыен, семьяос сярысь сюлмаськон – асьмелэн одӥгез валтӥсь ужпуммы». Башкортостан трос нылпиен семьяослэн лыдзыя Приволжск федерал округын нырысетӥ интыын луэ, Россиын сизьыметӥ. Бащкортостанысь 230 сюрслэсь трос семьяос пӧртэм льготаосын пайдаясько. Трос нылпиен семьяосысь пиналъёслы колледжъёсын тодон-валан басьтыны юрттэт возьматӥське.  

Башкортостан Республикалэн тӧроезлэн Вазиськоназ бадӟым инты висъяськиз нимысьтыз военной операцилы но отын шаермес утись пиослы.  «Бадӟым тау тӥледлы, гурт удысын тыршисьёс, ужбергатӥсьёс, предприятиосын но организациосын тыршисьёс, республикаямы улӥсьёс! Тӥляд юрттэменыды нимысьтыз военной операцие арнялы быдэ  гумконвой келяськомы. Выль регионъёсын сюлмысь тыршо эмчиос, сюрес лэсьтӥсьёс, ӝутӥськисьёс но мукетъёс. Нимысьтыз военной операциын вормон понна асьмелы вань кужымез огазеяны быгатоно», - шуиз Р. Хабиров.  Солэн кылъёсызъя, Башкортостанысь трос пиос орденъёсын но медальёсын данъямын, сизьым адямилы «Герой России» ним сётэмын.  

Радий Хабиров черодысь вазиськонэз республикаысь пӧртэм удысъёслы бадӟым саклык висъяны тыршиз. Вуоно арын воштӥськонъёсты Башкортостанын улӥсь котькуд адями шӧдыны кулэ.

Туспуктэм: Олег Яровиков