Нырысетӥ кузьымъёс шудытэмын

«Ошмеслы» гожтӥськон квитанциосты, кылсярысь, почта ёзэтъёсын 21-тӥ декабрёзь кутозы. Нош туннэ ми лыдӟисьёсмы пӧлын  нырысетӥ кузьымъёсты онлайн амалэн шудытӥмы ни. Отчы пӧртэм ёросъёсысь лыдӟисьёсмылэсь 91 квитанция вуиз. Татышлы ёросысь Кызыл-Ярысь Леонид Шайдуллинлы 25 килограмм пызь потӥз. Нош Калмиярысь Людмила Васильевалы - куинь килограмм сакыр песок. Шудо лыдӟисьёсмы пӧлын луиз Янаул ёросысь Барабановкаысь Раиса Ахметова. Со – чайной наборлэн кузёез.  Нош будос вӧймес Шудекысь лыдӟисьмылы Роман Хазиповлы келяломы.

Гажано лыдӟисьёсмы! Ми шумпотӥськом, тӥ газетмылэн улоназ мыло-кыдо пыриськиськоды но анай кылыныды шумпотыса лыдӟиськиськоды шуыса. Нош кинлы туннэ кузьымен ӧз удалты – нырдэс эн оше. Выль ар бере выльысь кузьымъёс шудытомы на.