Шаермес утёнын бырем пиослэн нимъёссы уз вунэ

Школалэн борддораз кык мемориал пулъёсты интыязы, татын дышетскем, нимысьтыз военной операциын бырыны шедем пиослы Артур Бадамшинлы но Радмир Хусаиновлы сӥзьыса. Татышлы ёрос администрациен кивалтӥсь Фанур Шайхисламов вотэс бамаз гожтэ: «Шаермес утьыкузы бырыны  шедем солдатъёслэсь нимъёссэс тодын возён, соослэн подвигъёссы сярысь пиналъёслы веран – асьмелэн валтӥсь ужпуммы. Борддоре юнматэм мемориал пулъёс школаын дышетскисьёслы дано пиосмылэн геройлыко быремзы, шаерез гажан сярысь вералозы».

Артур Бадамшин Бурай ёросысь Байшады гуртын улӥз. Со Вуж Акбулатысь школаын дышетскиз. Артурез нимысьтыз военной операцие кылем арын 28-тӥ куарусёнэ мобилизацияя басьтӥзы. Сое Татышлы ёросысь келязы. Туэ 30-тӥ куарусёнэ Артур улонэн люкиськиз.

Фото: Администрация Татышлинского района