Россия Федерацилэн Конституциезлы 30 ар тырмонлы сӥзем ужрадын шаермес утисьёсты данъязы

Татышлы ёросысь культура юртын Россия Федерацилэн Конституциезлы 30 ар тырмонлы сӥзем ужрад ортчиз. Отчы люкаськем калыкез ӟечкыласа вераськиз ёрос администрациен кивалтӥсь Ф. Р. Шайхисламов.

Ужрадын огдырлы шутэтскыны бертэм боецъёсты данъязы. Нимысьтыз военной операциын висъяськем пиослы «За отвагу» но «За боевые заслуги» медаль сётӥзы. Со сяна, шаермес утисьёсты Татышлы ёрос администрацилэн тау карон гожтэтъёсыныз пусйизы. Нош М. Шаймуратов нимо батальонысь старший сержантлы «Комплексное развитие сельских территорий» кун программа улсын улон интызэс тупатыны сертификат сётӥзы.