Пичи удмурт кизили "Звёзды Башкортостана" конкурсысь бадӟым вормонэн бертӥз

 Отын республикаысь 300-лэсь трос кырӟасьёс кужымзэс эскеризы. Лиза конкурсын «Отмените войну» кырӟанэз быдэстӥз. Жюри пичи удмурт кизилилэсь быгатонлыксэ вылӥ дунъяз. Со «Лучшее исполнение патриотической песни» номинациын вормиз. Елизавета конкурсысь кык полэс вормонэн бертӥз – со Гран-прилэн кузёез луиз. Е. Шартдиноваез конкурсэ дасяз «Ассорти» вокал ансамблен кивалтӥсь А. С. Файзрахманова. Вераны кулэ, Лиза та выллем конкурсъёсы ӵемысь пыриськылэ. Кема ӧвӧл со "Вокруг попурри" республика конкурсын "Попурри песен" номинациын вормиз.