Ческыт сяська керттэтъёс пӧрмытӥзы

Шутэтскон нуналъёсы но гуртъёсысь клубъёсын но библиотекаосын тыршисьёс ужтэк уг уло. Кылсярысь, 9-тӥ декабре «Трезвое село-2023» конкурс улсын Алтауысь библиотекаын нылпиослы но мукет мылкыд карисьёслы тунсыко мастер-класс радъяськиз. Ужрадэ пыриськисьёс кампетлэсь тугокоос но сяська керттэтъёс лэсьтӥзы. Угось та выллем кузьым пичи нылпиез гинэ ӧвӧл, котькинэ но шумпоттоз.

Аспӧртэм ческыт  кампет керттэтъёс яркытэсь но чебересь пӧрмизы. Озьыен, алтауослэн вуоно Выль ар праздникъёсы кузьымъёссы дась.

Фото: https://vk.com/public223273983