Башкортостанысь финн-угор калыкъёслэн огазеяськонзылы выль кивалтӥсь бырйизы

Отчы Башкортостанысь тросэн финн-угор калыкъёс улоно ёросъёсысь но городъёсысь делегатъёс пыриськизы.Соосты пумитаса вераськизы БР-ысь культурая министрлэн воштӥсез Наталья Лапшина, Мишкино ёрос администрациен кивалтӥсь Павел Трапезников, БР-ысь Калыкъёслэн эшъяськон юртэнызы кивалтӥсь Эльмира Саматова.

Конференциын Башкортостанысь финн-угор калыкъёслэн – поръёслэн, удмуртъёслэн но мордваослэн – национально-культурной огазеяськонъёсынызы кивалтӥсьёс берлось кык ар куспын быдэстэм ужъёссылы йылпумъянъёс лэсьтӥзы. Удмуртъёслэн ужъёсынызы тодматӥз Л. Л. Зидымаков. Конференция «Ассамблея финно-угорских народов Республики Башкортостан» огазеяськонлы кивалтӥсь быръёнэн йылпумъяськиз. Та ужез ас вылаз басьтӥз республикаысь мордваослэн азьветлӥсьсы Юлия Герасимова.  Ужрадын устооссэ ужасьёсты Культурая министерстволэн но Калыкъёслэн эшъяськон юртсылэн данъян грамотаосынызы пусйизы. Шумпотоно, соос пӧлын удмуртъёс но луизы шуыса.