Удмурт гуртэ выль ФАП пуктозы

Со сярысь Татышлы ёрос администрациен кивалтӥсь Ф. Р. Шайхисламов ивортэ. Та нуналъёсы сое ӝутон борды кутскизы. Выль уж борды Башкортостанлэн тӧроезлэн Радий Хабировлэн куронэзъя басьтӥськизы.

Фельдшерско-акушерской пунктэз туала куронъёсты чакласа ӝутозы. Матысь дыре гуртысь калыклэсь тазалыксэ шуныт, югыт юртын учкозы.

Тодады вайытӥськом: «Здравоохранение» национальной проектлэн «Модернизация первичного звена» региональной программаезъя Башкоростан ӟеч быдэстӥське. С модульной ФАП ӝутонын гинэ ӧвӧл, калыклэсь тазалыксэ утёнэн герӟаськем мукет ужъёсын но шӧдӥське.