Пичильтокъёс бадӟым ужез быдэстӥзы

Волонтёрлэн нуналэз улсын Шудекысь «Италмас» нылпи садысь пичильтокъёс библиотекаын туж бадӟым ужез быдэстӥзы. Кема аръёс ӵоже ӝажыосын улӥсь «сӧсырмем» книгаослы пичи волонтеръёс выль улон кузьмазы. Нылпиос книгаосты тыршыса лякылӥзы, усем бамъёсты интыязы тупатӥзы.

Со сяна, пичи куноос выль книгаосын но тодматскизы. Чебер суредъёслы синмаськыса книгаосты учкизы, эскеризы. Пичильтокъёс шахматэн но шудыны выризы.

Озьыен, нуналзы пайдаё но тунсыко ортчиз. Нош выльдӥськем книгаос вераськыны быгатысалзы ке, одно ик соослы тау кылъёссэс верасалзы.

Фото: Шудекская сельская модельная библиотека