Туннэ – Волонтёрлэн нуналэз

Туннэ нуналэ волонтёръёс кыӵе гинэ ужъёс уг быдэсъяло. Нимысьтыз военной операцие пыриськисьёслы юрттэт возьматонын но соослэн люкетсы номырин ӵошатонтэм бадӟым луэ. Гумконвой люкало-а, масксеть пуно-а, нырос-пӧзьы кертто-а - котькуд ужазы сюлэм шунытсэс поно.

Янаул ёросысь Шудек гуртын улӥсьёс но ӟеч уж лэсьтонлэсь палэнэ уг кыле. Соос гудырикошкон толэзьысен ни маскировочной сеть кертто. Та ужез быдэстыны нылкышноос гуртысьтызы культура юртэ вуо. «Нуналлы быдэ ужаны ветлэм сямен масксетка керттыны потало», - вера «Шьём для героев. Янаул» волонтёръёслэн огазеяськонзылэн ёзчиез Эльмира Гарифянова. Маскировочной сеть керттон амалъёслы шудекъёсты со дышетэм.

Вераны кулэ, Шудекын нылпиос но та ужлы дышетскемын. Та ужен соос школаязы но выро. «Масксеть керттон понна, нырысь солы сетка дасяно. Дышетскисьёсмы сыӵе ужен выро, - вера школаысь дышетӥсь Инзиля Менликаева. – Сеткалэн котыраз шпагат юнмато, азьланяз сеткаез дасям пулъёс борды юнматыны мед быгатозы шуыса». Бӧрысь нылпиослэсь дасям сетказэс гуртысь клубе нуо. Отын ини сетка борды вандылыса дасям спанбондэз пуно.  

Огез бӧрсьы мукетыз – ӝог кылдо пиослы тушмонлэсь утиськыны юрттӥсь шобретъёс. Соосты  нимысьтыз военной операцие пыриськисьёслы келяло.   

Волонтёр огазеяськонъёсын школаын дышетскисьёс но лыдъясько. Соос пӧртэм ужрадъёсы пырисько, конкурсъёсын нюръясько. Кылсярысь, Калтасы ёросысь волонтёръёс Белебейын ортчем «ПРОфоруме» пыриськизы.

Фото: Навигаторы детства | Калтасинский район