Малпанъёсамы улоз

Контракт амалэн нимысьтыз военной операцие пыриськись улосчимылэн улонэз шаермес тушмонъёслэсь утьыкуз чигиз.

Ильгиз Ахвасович Балтач ёросын улӥсьёслэн но аслаз нимыныз Р. Хурамшинлэн кузпалызлы, нылпиосызлы, матысьёсызлы мур куректэмзэ вераз. Со шуиз: «Асьмеос улосчимес, эшмес, шаермес утисез ыштӥмы. Рустам Хурамшин пӧлысьтымы пыраклы кошкиз ке но, со асьмелэн малпанъёсамы, тодэ ваёнъёсамы котьку улоз. Солэн нимыз республикамылэн, шаермылэн историяз гожтӥськоз».

Ожгарчиез берпуметӥ сюресаз келяны вуиз Башкортостанысь Кун Собранилэн-Курултайлэн депутатэз Ильгам Галин. Со нимысьтыз военной операциын бырыны шедем улосчимылэн матысьёсызлы юрттэт возьматӥськоз шуыса вераз.

Фото:Ильгиз Субушев