Ульфат Бадретдиновен пумиськонъёс ортчизы

Ульфат Шайхутдинович вордскемын но будэмын Бурай ёросысь Алтау гуртын. Вордскем палъёсызлы юн синмаськем гожъясь, башкир музъем вылэ вуыса, ноку но дор палаз пырытэк уз кошкы. Угось солэн творчествояз но Алтау гуртэз, отысь эшъёсыз, ӵыжы-выжыосыз бадӟым инты басьто. Гуртысьтыз калык но сое котьку шумпотыса возьма но пумита.

2-тӥ декабре Алтау гуртысь библиотекае нылпиос люкаськизы. Ульфат Бадретдинов соосты «Туала сяртчы» выль книгаеныз тодматӥз. Книга пӧртэм тунсыко сценариосын тырмыт. Гожъясьлэн верамезъя, татысь материалэз нылпиос но, клубын ужасьёс но ужазы кутыны, калыклы спектакльёс пуктыны быгато.

Нылпиос мылысь-кыдысь кылзӥзы Ульфат Шайхутдиновичлэсь тунсыко мадёсъёссэ. Берло солы юанъёс но сётъязы. Нош куд-огъёсыз гожъясьлэн автографеныз кошкизы.

Фото: Алтаевская сельская библиотека