Бадӟым Гондырын дӧдьы кыткизы, ашеттупен шудӥзы

Туэ со аспӧртэм ортчиз. «Дӧдьы кыткон» конкурсэ кык команда пыриськиз: кузёослы пумит Шагиртысь куноос султӥзы. Воргоронъёс оскем ужзэс ӝог но валаса быдэстӥзы. Дӧдьы кытконын ӧжытлы азьпала потӥз Бадӟым Гондырысь команда. Но соослы вормонзылы кема шумпотоно ӧз луы, азьпалан – выль конкурс. Табере соослы толлы пу дасяно: кор вандоно, пуклёосты пильылоно, пуэз огазе люкано. Татын командаослэн ог-огзэс валамзы, гурт ужлэсь кышкамтэзы шӧдӥськиз. Таяз конкурсын эшъяськон вормиз. Озьыен, «Тол вӧсьлэн» интеллектуальной программаяз вормись куинетӥ шудонын тодмо луоз. Со спортъя юртын радъяськиз. Командаос «Ашеттуп» ӵошатсконын кужымзэс эскеризы. Со волейбол выллем ортчиз ке но, трослы тунсыкогес радъяськиз. Шудӥсьёслы тупез айшетэнызы кутоно луиз угось. Таиз конкурс Бадӟым Гондырысь командалы капчиенгес сётӥськиз. Озьы ке но шагиртъёс но нырзэс ӧз оше, соос задор мылкыдын шудӥзы.

Бадӟым Гондырын ортчем "Тол вӧсь" сярысь пыр-почгес лыдӟыны быгатоды газетысь.