Удмурт гурт «Трезвое село» конкурслэн республика этапаз пыриськоз

Туэ отчы удмурт гуртъёс но пыриськизы. Туннэ, 29-тӥ ноябре, соос презентациоссэс утизы. Шумпотымон, жюри вылӥ дунъяз Алтауын улӥсьёслэсь ужзэс. Вакчи дыр куспын соос калыкез тазалыко улонэн эшъяськытон вылысь трос пӧртэм ужрадъёс ортчытӥзы. Кылсярысь, татын гуртлэн старостаез А. Ялалов, ветеранъёслэн кенешенызы кивалтӥсь В. Марданов, фельдшер А. Фаизова  калыкен вераськонъёс радъязы. Нош культура юртын, библиотекаын ужасьёс возьматӥзы, гуртын курыт юонтэк но шулдыръяськыны луэ шуыса.

Алтауосты азьпалан бадӟым уж вите – соос конкурслэн республика этапаз ёроссылэсь данзэ утёзы.