Шудекын фольклор час ортчиз

Янаул ёросысь Шудекысь культура юртын но модельной библиотекаын ужасьёс Удмурт кыллэн нуналэзлы сӥзем ужрад ортчытӥзы. «Мон удмурт» фольклор часэ нылпиос пыриськизы. Отын соос пӧртэм ужъёсты быдэсъязы. Кылсярысь, мадиськонъёслы валэктонъёс сётъязы, кылысь кылэ берыктылӥзы но мукет. Со сяна, дышетскисьёс песянайлэн шыкысысьтыз вашкала удмурт дӥськутъёсын тодматскизы. Нош «Оптимист» клубе ветлӥсьёс нылпиосты «Лодыга» вашкала удмурт шудонэн шудыны дышетӥзы.

Туспуктэм: Шудекский СДК