Асавкаын Анайлэн нуналаз ӝыт пукон радъязы

Кылсярысь, Анайлэн нуналаз ӝыт пумиськон радъязы. Отчы шаермес утись пиослэн но нимысьтыз военной операцие пыриськисьёслэн анайёссы но кузпалъёссы вуизы. Соосты данъяса но тау карон кылъёсын нылкышноослы вазиськиз Тошкур гурт поселенилэн администрациеныз кивалтӥсь Булат Аглямов. Булат Фирусович соосты праздникен ӟечкылаз, тазалык сӥзиз. Со нимысьтыз военной операцие пыриськись пиослэн анайёссылы, кузпалъёссылы но нылпиоссылы кунмы юрттэт возьматоз шуыса пусйиз. Со сяна, Булат Фирусович анайёсты сюлмаськытӥсь юанъёслы валэктонъёс но сётӥз. Ужрадын чузъяськем кырӟанъёс но кылбуръёс, ог-огенызы сюлмысь вераськонъёс, туспуктэмъёсын альбомъёсты учкон анайёслэсь мылкыдзэс ӝутӥз.