Усточиосты шараязы

Мар гинэ уг быгато анай киос: шунто но, вешало но, пӧрало но. Нош кыӵе усто киужъёс пӧрмыто кышномурт киос! Шуныт анай киосын керттэм нырослэсь яке пӧзьылэсь луоз меда шедьтыны умойзэгес магазинысь. Угось киосын лэсьтэм котькуд  арбери адямилэсь сюлэм шунытсэ, мылкыдзэ но ӟеч малпанъёссэ бордаз возе.

Анайлэсь усто киоссэ данъян вылысь андреевкаос та выллем адӟытон лэсьтыны малпазы. Куддыр угось одӥг гуртын улыса но ог-огедлэсь быгатонлыкъёссэ но устолыксэ уд тодӥськы. Нош та нуналэ вань усточиосты шараязы. Выставкаын  Лидия Ахматгараева, Анжела Валитова, Лирина Галиева, Розалия Марданова, Алина Петрова, Фаниля Гаязова, Хасима Марданова но Ралия Гафиуллина асьсэлэсь киужъёссэс возьматӥзы.

Фото: Андреевский СК