Татышлы ёросын «Солнце без границ» фестиваль ортче

 Со 1-тӥ толсурозь кыстӥськоз. Ужрад улсын пиналъёс нуналлы быдэ сямен пӧртэм конкурсъёсын, ӵошатсконъёсын кужымзэс мертало.

Фестивале Выль Татышлы школаын 4-тӥ классын дышетскись Реналь Кабипянов но пыриське. Кызьы ивортэ классэн кивалтӥсез Татьяна Марданова, Реналь котькудаз конкурсын усто быгатонлыкъёссэ возьматэ. «Удивительный мир глазами детей» конкурсын Реналь 1-тӥ интые потӥз. «Семейные старты» ӵошатсконэ Реналь анаеныз Ирина Владимировнаен пыриськиз. Отын но соос 1-тӥ интылы кузё луизы. Лэсьтӥськонъя мастер-классэ пыриськыса, отын но Реналь вормисе потӥз. Ӟечкыласьком! Тазалык но выль вормонъёс сӥзиськом», - гожтэ ВК вотэс бамаз Татьяна Дмитриевна.

Фото: Татьяна Марданова