Мамадыын шулдыр пукон ортчиз

Сӥзьыллэн берпуметӥ толэзезлэн нуналъёсыз но лыдъямон гинэ на кылизы. Ӝоген тол куазьлэн ки улаз кылёмы. Озьыен, гурт калыклы шутэтскыны но вакыт тросгес шедёз. Угось вазь тулысысен кутскыса, без сӥзьылозь но гуртысь кышномуртлэн ужез уг быры: кизёно-мерттоно, собере бичаса-октыса ваньзэ радызъя интыяно. Со вакытэ шутэтскыны вакыт шер шеде, нош али быдэстэм ужъёслэн эмышъёссылы шумпотыса, эшъёсын ӵошен люкаськыса пукыны но умой.

Мамадыослэн пуконзы зэмос праздниклы  пӧрмиз. Ужрадэз радъясьёс котькуд лыктӥсез нянен но сылалэн пумитазы. Ӝӧк вылазы кыӵе гинэ пушкесэн пыжиськемъёс ӧй вал: картофкаен но кубистаен, сӥлен но чорыген, кабачокен, яблокен но шуэн.

Ужрадэ пыриськисьёс пӧртэм тунсыко конкурсъёсын шудӥзы, кырӟазы, серекъязы, пыжем-пӧзьтэмзылэн рецептэныз вошъяськизы.

Фото: Мамадинский СК