Удмуртъёс «Атайсал - сила Отечества» форуме пыриськизы

Ужрадэ Аскино, Балтач, Бурай, Дюртюли, Калтасы, Краснокам, Мишкино, Татышлы ёросъёсысь но Нефтекамск, Агидель городъёсысь делегатъёс вуизы.

Форуме лыктэмъёс пӧртэм секциосы пыриськизы. Кылсярысь, та нуналэ «Помни корни свои», «Проект «Атайсал» в медиа и социальных сетях», «Флагманы молодежи», «Духовное пространство малой родины», «Музей как центр сохранения исторической памяти» «Вместе победим!» секциос но «Тамыр» телеканаллэн плащадкаез ужазы.

Ужрадэ удмуртъёслэн историяя но культурая центрзылэн ӧнерчиоссы но пыриськизы. Форумын удмурт центрлэн валтӥсь  ӧнерчиез И.М. Самигулова  «Помни корни свои» секциын «Шундыберган» конкурслэн проектэныз тодматӥз.

Озьы ик та секцие онлайн амалэн Ижевскысь камсьӧр удмуртъёслэн огазеяськонэнызы кивалтӥсь Ф.А. Чибышева пыриськиз. Со сяна, «Помни корни свои» секциын БР-ысь удмуртъёслэн НКЦ-лэн Янаул ёросысь филиалэныз кивалтӥсь Ю.С. Саитов ужаз.

Янаулын ортчем «Атайсал - сила Отечества» форум нимысьтыз военной операцие пыриськисьёслы, соослэн семьяоссылы но волонтёръёслэн ужзылы сӥземын вал.

Фото: Удмуртский историко-культурный центр