Пичильтокъёс анайёссэс ӟечкылазы

Котькуд ар ноябрь толэзьлэн берпуметӥ воскресенье нуналаз странамы мусо, ненег но чебер праздникез - Анайлэсь нуналзэ пусъе. Туэ та праздник 26-тӥ ноябре тупа. Кызьы шуо, анай котькинэ воштыны быгатэ, нош анаез нокин но уз вошты. Соин ик та нуналэз котькуд дышетскон юртын, семьяосын паськыт ортчыто.

Бадӟым Качакысь пичильтокъёс анайёссылы шулдыр кырӟан-эктонъёс, шудонъёс но ас киынызы тупатэм кузьымъёс дасяллям. 3-5 аресъем нылпиос кырӟаку анайёссы шумпотон синкылиоссэс кутыны ӧз быгатэ. Анай понна нылпи угось тужгес но бадӟым шудбур но данъяськон луэ.