Пукон ӝытсы шумпотыса но серекъяса ортчиз

Интернет вотослы оскид ке, туннэ нуналэ шаерамы 190-лэсь трос пӧртэм калыкъёс уло. Соос ас кылынызы верасько, кырӟало, йылолъёссэс утё. Россиын калыкъёс ог-огенызы тупаса но эшъяськыса уло.

17-тӥ ноябре Бурай ёросысь Мамады гуртысь клубын «Радуга национальных культур» ӝыт пукон ортчиз. Ужрадэ Мамады гуртын улӥсьёс пыриськизы. Ӝыт пуконэ люкаськемъёсты гуртысьтызы культорганизатор Л.В. Атнафикова пӧртэм калыкъёслэн сям-йылолъёсынызы, костюмъёсынызы сиён-юонъёсынызы но шудонъёсынызы тодматӥз. Ужрадэ гуртысьтызы нимысьтыз военной операцие пыриськисьлэн анай-атайез но вуизы.

Ӝыт пукон «Лодӥга» удмурт калык шудонэн азинтӥськиз. Арлыдоос но, нылпиос но ӝытэз шумпотыса но серекъяса ортчытӥзы.

Фото: Мамадинский сельский клуб