Людмила Кутяновалэсь кылбуръёссэ лыдӟизы

Кылбурчиез сӥлы карыса, 18-тӥ ноябре Бурай ёросысь Алтау гуртысь библиотекаын нимысьтыз информационной час ортчиз. Библиотекарь М.Г. Гафутдинова ужрадэ люкаськем нылпиослы Людмила Дмитриевналэн улон сюресэныз, кылбуръёсыныз, кырӟанъёсыныз тодматӥз. Вераны кулэ, Людмила Кутяновалэн куд-ог произведениосыз ӟуч, мадьяр, эстон, чуваш кылъёсы берыктэмын. Со сяна, тросэз кылбуръёсыз кырӟан луизы. Кылсярысь, одӥгез тужгес тодмоез кырӟан – «Тон-а со?».

Фото: Алтаевская сельская библиотека