Бадӟым Качакысь нылпиос солдатъёслы шуныт чуръёс келязы

Калтасы ёросысь школаосын дышетскись нылпиос нимысьтыз военной операцие пыриськисьёслы сюлэм шунытсэс но тау карон кылъёссэс гожтэт вылэ пыӵато. Угось туала улон пичи пиналъёсты вакытэзлэсь азьвыл шудбурлэсь но сайкыт инбамлэсь дунлыксэ валаны дышетэ.

Акцие Бадӟым Качак гуртысь школаын дышетскись нылпиос но пыриськизы. Соос дышетӥсьёсынызы, гуртысьтызы культура юртын но модельной библиотекаын ужасьёсын ӵош туннэ нуналэ СВО-ын луисьёслы шуныт чуръёс гожтӥзы. Озьы ик школаын дышетскисьёс удмурт кылын но гожтэтъёс дасязы. Соос оско, вордскем кылын гожтэм чуръёс солдатъёсты юнгес шунтозы, кужым сётозы шуыса.

Кылсярысь, туннэ нуналэ Бадӟым Качак гурт поселениысь 6 адями нимысьтыз военной операцие пыриське. Соос, асьсэлэсь улонзэс жалятэк, шудо вуономы понна тыршо.

Фото: Большекачаковская сельская модельная библиотека