Пудоосты висёнъёслэсь утёно

Висёнъёс – «Сибирская язва», «Нодулярный дерматит», «Подкожный овод», «Бешенство» - пудоослэн улонзылы кышкытлык ваё. Соин ветеринаръёс дыраз вакцинация лэсьтонлы бадӟым саклык висъяло.

Бешенстволэсь, кылсярысь, бадӟым, сюро пудолы гинэ ӧвӧл, пуныослы, коӵышъёслы но прививка пукто.

Ермекей ёросысь ветстанциен кивалтӥсьлэн Газинур Гатауллинлэн кылъёсызъя, ёросазы вакцинация лэсьтон ужъёс кематэк йылпумъяськозы. Купченей гуртысь ветеринар Игорь Спиридонов но та ужзэ дыраз йылаз-пумаз вуттон сярысь сюлмаське. Игорь Васильевичлэн та ласянь ужез пичи ӧвӧл – солы Суккулово гурт поселение пырись гуртъёсысь хозяйствоосты ортчон сяна, 8-тӥ март нимо гуртэ, Городецкое, Знаменкае вуылоно, пудоослы вакцинация лэсьтоно.

Ветеринаръёслэн кылъёссыя, профилактикая ужъёсты соос валтӥсь ужпумен лыдъяло. Пудо кышкыт висёнэн черлаз ке, со адямиослэн улонзылы но кышкытлык кылдытэ угось.

Фото:  Ермекеевские новости