Велосипед тазалыкез кыдатэ

Та нуналъёсы Барабановка клубысь культорганизатор Н. Г. Кусниярова гуртооссэ «Волна здоровья» ужрадэ люказ. Со велопробег радъяз.

Барабановкаос ӟеч тодо, велосипед адямилэсь тазалыксэ кыдатэ шуыса. Соин ужрадэ но шумпотыса пыриськизы. Велосипедэ пичиос но, бадӟымъёс но пуксизы. Соос ваньзы ӵошен нюлэскы потазы, чылкыт омырен шоказлы, мугорзэс кыдатӥзы.