Белка, Стрелка, Звёздочка…

Нош нырысь ик космосэ Дезик но Цыган пуныос лобизы. Со сяна, куамынлэсь ятыр пуныос инсьӧре ӝутскылӥзы на. Жаляса верано, соос пӧлысь 18-эз бырыны шедизы.

Космосэ лобӟыны калгись пуныосты бырйылӥзы. Малы ке шуоно соос секытлыкъёсын пумиськылэмын, инсьӧрын соослы капчигес луоз шуыса. Пуны быръён понна куронъёсты но чаклано вал: пуны куать килограммлэсь секыт, 35 сантиметрлэсь ӝужыт медаз луы. Со сяна, чебер, мусо мед луоз. Газетъёсы, журналъёсы туспуктэмзэ одно ик сётоно вал угось.

Звёздочка нимо пуныез инсьӧре келязы вуоно космонавтъёс Юрий Гагарин но Герман Титов. Космосын лобаса, со Пермь шаерысь Чайковский ёросысь Карша гурт вӧзы васькиз. Москваысь бригада ӝегаса вуэмен, Звёздочкалы Ижевскысь лётчик Лев Оккельман юрттӥз. Бӧрысь сое Москвае нуыса кошкизы.

Суредэз Янаул ёросысь Вуж Варашысь Елена Фаткуллиналэн.