Нефтекамскын «Башкирское долголетие» проектлы сӥзем ужрад ортчиз

Со сярысь кылем арын 27-тӥ октябре меӵак эфирын калыклэн юанъёсызлы валэктон сётыкуз ивортӥз БР-лэн Тӧроез Радий Хабиров. «Башкирское долголетие» проект Башкириын 2020-тӥ арысен куарусён толэзьысен быдэстӥське. Со улсын арлыдоос понна, 55 ареслэсь бадӟым нылкышноослы но 60-лэсь бадӟым пиосмуртъёслы, дунтэк одӥг-кык нуналъем экскурсиос радъяло. Соос Башкирилэн тодмо, чебер интыосаз вуыло, шаермылэн историеныз, культураеныз тодматско.

Кылем арня пумын Нефтекамскын та проектлы сӥзем «Лучшие муниципальные практики по проекту «Башкирское долголетие» котырес ӝӧк радъяськиз. Ужрадэз нуиз республикаысь ужъя, семьяя министрлэн нырысетӥ воштӥсез Ольга Кабанова.  Котырес ӝӧклэн ужаз пыриськизы Агидель, Нефтекамск городъёс, Гафури, Калтасы, Краснокама, Татышлы, Янаул ёросъёс.

Ужрад улсын Нефтекамскысь историко-краеведческой музейын мастер-классъёс но радъяськизы. Городысь удмурт огазеяськонлэн ёзчиосыз (туспуктэм вылын)  удмурт дӥськутлы чеберъяськон арбериос лэсьтӥзы.  

Фото: Администрация города Нефтекамска