Нылпи книгалэн нуналэзлы сӥзем ужрад ортчиз

Отчы удмурт пиналъёслэн «Ренбик» клубазы ветлӥсьёс пыриськизы. Соос Нылпи книгалэн нуналэз но солэн кылдэмез, нылпиослы гожъясь удмурт писательёс но поэтъёс сярысь вераськизы. Пиналъёс шумпотыса лыдӟизы удмурт калык выжыкылъёсты: тодӥзы Кылдысин, Вумурт, Шайтан сярысь. Лыдӟиськон сярысь асьсэлэсь малпанъёссэс но шараязы.

«Ренбик» клублэн ёзчиез Настя Даутова вера: «Мон туж яратӥсько лыд2иськыны удмурт кылын. Тужгес кельшо мифъёс но мифологической выжыкылъёс». «Нош мон яратӥсько Ашальчи Окилэсь творчество. Лыдӟисько солэсь гожъямъёссэ», - вераз «Ренбик» клубысь мукетыз нылаш Илира Гарифуллина.

Ужрадэ удмурт нылпи писательёслэн туспуктэмъёсынызы адӟытон но дасямын вал.

Фото: Удмуртский историко-культурный центр