Шаермес утисьёслы юрттэт возьматыны мылкыд каро

Пермь шаерысь Чернушка городын улӥсьёс но СВО-е пыриськисьёслы юрттэт возьматон сярысь сюлмасько: маскировочной сетка керттыны люкасько. Ужзы пумысен Ольга Костина гожтэ: «Ми но, Чернушкаын улӥсьёс, нимысьтыз военной операцие пыриськисьёслы юрттэт возьматон сярысь сюлмаськиськом. Нуналлы быдэ эшъёсын, тодмоосын маскировочной сетка керттыны ветлӥськом. Кин ма карыны быгатэ, сое ужа: огез басма вандылэ, мукетыз – бине, куинетӥез – керттэ. Керттон амалэз, пужыез капчи ӧвӧл ке но, каллен дышиськом. Пӧламы арлыдоос но, школаын дышетскисьёс но вань».

Та ужез радъян сярысь Надежда Ахметзянова сюлмаське. Солэн Улысь Балтачысь выныз но нимысьтыз военной операцие пыриське.