+8 °С
Яркыт
Антитеррор
Вань иворъёс
Общество
7 февраль 2023, 14:50

Мар огазея Башкортостанысь но Татарстанысь удмурт кылын потӥсь газетъёсты?

2001-тӥ арозь кык пӧртэм республикаосын удмурт кылын огвыллемгес газетъёс печатласькизы. Башкортостанысь Татышлы ёросын со «Азьлань» нимаськиз, Татарстанысь Балтась ёросын – «Азьлане».

Мар огазея Башкортостанысь но Татарстанысь удмурт кылын потӥсь газетъёсты?
Мар огазея Башкортостанысь но Татарстанысь удмурт кылын потӥсь газетъёсты?

Соос кыксы ик ёрос газетлэн дубляжез луизы. Но, жаляса верано, «Азьлань» 2001-тӥ арын потэмысь дугдӥз. Сое ӟуч кылын газет воштӥз. Кема аръёс ӵоже «Азьлань» газетлэн редакторез луиз «Ошмес» газетлэн «атаез» Андрей Васильевич Гильмаев. 1999-тӥ арын, Башкортостанысь удмуртъёслэн «Ошмес» газетсы потыны кутскем бере, редакциямы Татарстанысь гожтэтъёс вуылӥзы на. Толэзьлы быдэ одӥг пол соос ёрос газетсэс дорамы келязы. Но пумен кусыпъёс ышизы. Зэм, али дырын-дырын бускельёсмылэсь сайтэс, вотэс бамзэс учкылӥськом. Нош кема ӧвӧл «Азьлане» газетэз дасясьёсын пумиськылыны кылдӥз. Ольга Плотникова но Ольга Матвеева Ижевске Удмурт Элькунысь Йӧскалык прессалэн нуналаз вуылӥзы. Тямыс бамъем газетэз дасян бордын соос ньыль кузя ужало. Со сяна, сайтазы, вотэс бамазы иворъёс гожтыны но дыр шедьто. Та шаплы егит нылъёсты кылзыса, паймиськод соослэн ас удыссэс, анай кылзэс гажамзылы. «Азьлань» газет потэмысь ӧй дугдысал ке, кыӵе луысал солэн вуоноез?» - амалтэк таӵе юан лыктэ йырам. Со вакытэ ик шумпотӥсько: Башкортостанысь удмурт кылын потӥсь ёрос газет ышиз ке но, со интые мукетыз кылдӥз. «Ошмес» паськытгес вӧлъяськыны кужым шедьтӥз, быдэс республикаысьтымы удмурт калыкез шумпоттӥз. Нош мар огазея «Азьлане», «Азьлань» но «Ошмес» газетъёсты анай кылэз утён сяна? «Ошмес» но «Азьлань» газетъёсты куке одӥг юртын дасязы, отын ик печатлазы. Нош кема ӧвӧл тодӥ: Ленин ульчаысь, 91-тӥ юртын ик  потэ «Азьлане» газет но. Зэм, «Ошмесэз» дасяськомы Вылысь Татышлыын, нош Татарстанысь эшъёсмы Балтась каргуртын ужало.         

Мар огазея Башкортостанысь но Татарстанысь удмурт кылын потӥсь газетъёсты?
Мар огазея Башкортостанысь но Татарстанысь удмурт кылын потӥсь газетъёсты?
Мар огазея Башкортостанысь но Татарстанысь удмурт кылын потӥсь газетъёсты?
Мар огазея Башкортостанысь но Татарстанысь удмурт кылын потӥсь газетъёсты?
Автор:Оля Нигаматуллина
Читайте нас: