27-тӥ толшор - Ленинградэз мозмытон нунал

Асьме войскоослэн Лениградэз мозмытонлы сӥзем военной операцизы «Январский гром» нимаськиз. Блокада 872 нунал кыстӥськиз. Адямиос сыӵе курадӟонлы дась ӧй вал. Служащейёслы но нылпиослы (20-тӥ шуркынмон – 25- тӥ толсур толэзьёсы) суткаяз 25 грамм нянь сёто вылэм, ужасьёслы, тылпуэн нюръяськисьёслэн но ремеслоосъя училищелэн командаязы лыдъяськисьёслы – 300 грамм. Ӟырт кезьыт тол нуналъёс, сютэмлык Ленинградын улӥсь олокӧня сюрс адямиослэсь улонзэс чигизы.

Кышкыт ож йылпумъяське ке но, со сярысь малпанъёс, тодэ ваёнъёс адямиослэн сюлэмъёсазы уло. Кызьы вунэтод ож лудэ бырем матысьёслэсь нимъёссэс? Яраос аръёс ортчыса но уг бурмо. 27-тӥ толшоре библиотекаосын, музейёсын но пӧртэм дышетон юртъёсын Лениградэз блокадалэсь мозмытонлы сӥзем ужрадъёс ортчо. Соос нылпиослы вордскем музъемез гажан, сое утён, шаер понна кышкытлыкъёслы пумит султон мылкыд пыӵато, Быдӟым Атыкай оже пыриськемъёслэсь адӟем секытлыкъёссэс валаны юртто.

Ермекей ёросысь Суккулово шор ёзо школаын (отын дышетско Купченей гуртысь нылпиос) Лениградэз мозмытонлы сӥзем кинолекторий ортчиз. 9-тӥ классын дышетскисьёс «Ленинград. Дорога жизни» документальной фильм учкизы.

Фото: МОБУ СОШ с. Суккулово МР Ермекеевский район РБ