Бускельёсмы дорын

Куедаысь культура юртын газетлэн пичи юбилеезлы сӥзем ужрад ортчиз. Газетын ужасьёсты Куеда округ администрациен кивалтӥсь Анатолий Верхоланцев, Пермь шаерысь Законодательной собранилэн депутатэз Алексей Инюткин, Пермь шаерысь удмуртъёслэн национально-культурной центренызы кивалтӥсь Алина Туктагулова но пӧртэм учреждениосын, организациосын ужасьёс ӟечкылазы.

Бадӟым Гондырысь культура юртын ужасьёс, «Тюрагай» но «Уӵыпиос» коллективъёсы ветлӥсьёс но ужрадэ пыриськизы, газетын ужасьёслы крезьгур кузьымъёссэс вуттӥзы.

Фото: Большегондырский Дом Культуры