-9 °С
Салкым
Антитеррор
Вань иворъёс
Общество
25 январь , 08:59

Вуоно эмчилы тюрагай но, кучыран но луоно

Башкир кун медуниверситет Россиысь тужгес кужмо дышетскон юртъёс пӧлын лыдъяське.

Вуоно эмчилы тюрагай но, кучыран но луоно
Вуоно эмчилы тюрагай но, кучыран но луоно

Сое йылпумъям эмчиос шаермылэн пӧртэм сэрегъёсаз ужало, кунгож сьӧрысь эмъюртъёсы но соосты шумпотыса ужаны куто. БГМУ-эз йылпумъям эмчиос ӟеч тодон-валанэнызы но ас удыссэз гажаменызы висъясько. Башкир кун медуниверситет Татышлы ёросысь Калмиярысь Ангелина Фархутдинова понна но кыкетӥ юрт выллем луиз ни. Со татысь педиатрияя факультетын витетӥ курсын дышетске. «Мынам анае медсестралы дышетскемын. Со та удысын уг ужа ке но, бускельёсмы, туганъёсмы, тодмоосмы солы ӵемысь укол яке капельница пуктыны курыса вазисько, визь-кенеш юало, - вера Ангелина. - Соин мон пичиысен солэн быгатэмезлы, тодэмезлы синмаськыса будӥ, солэсь адӟем кари. Тӥни соку ик малпаськи, дыр, улонын таӵе тодон-валан ноку мултэс уз луы шуыса. Нош укмысэтӥ классын дышетскыку, асме тӧдьы халатэн но фонендоскопен син азям пуктыны кутски. Соку валай: одно ик эмчи луо. Зэм, анай таӵе малпанме воштыны тыршиз, эмчилэн ужез секыт шуыса валэктӥз. Нош куке валаз, таӵе мылкыдме кысыны уз вормы шуыса, аслаз улонэзлэн одӥг люкетэз сярысь мадиз. Со школазэ йылпумъямез бере Башкир кун мед университеэ дышетскыны пырыны малпа вылэм. Физикая экзамензэ сётыны быгатымтэ. Туннэ шумпотӥсько, аръёс ортчыса, анайлэсь малпанзэ мон быдэстыны быгатӥ шуыса».

Вуоно эмчиен интервьюез лыдӟе газетмылэн вуоно номерысьтыз.

Автор:Оля Нигаматуллина
Читайте нас в