Нимысьтыз военной операцие пыриськисьёслы гумконвой келязы

Юрттэт республикаысь мобилизованнойёслы но Салават Юлаев нимо батальонысь пиослы чакламын. Гумконвоез Башкортостанысь правительстволэн вице-премьерез Ирек Сагитов, куд-ог город но ёрос администрациосын кивалтӥсьёс келязы. Соос пӧлын луиз Янаул ёрос администрациен кивалтӥсь Ильшат Вазигатов. Ильшат Агзамович отчы вуылэмез сярысь вотэс бамаз ивортӥз.  Шаермес утись пиослы пататкаос, буржуйкаос, шуныт дӥськут, оргтехника, мобильной мунчоос но мукет кулэ арбериос вуттӥзы. Пиос республикамылэн кивалтэтэзлы со понна бадӟым тау каризы.

Туспуктэм:Ильшат Вазигатов