Арибашысь нылкышно клублэн ёзчиосыз нимысьтыз военной операцие пыриськисьёслы кулэяськон арбериос люказы

Соос огшоры пукыны гинэ ӧз лыктэ, сьӧразы пакетъёсын вуизы. Нош отын - пинь сузян пастаос, майтал, перчатки, шуныт носкиос но дэремъёс, влажной салфеткаос, пуш дӥсь, эмъюм таблеткаос но мукетыз. Вань люкам арбериоссэс БР-ысь удмуртъёслэн национально-культурной центрзы бордысь "Эшъяськон тугоко" нылкышно клублэн нимыныз асьме ожгарчиослы лэзёзы. Пичи юрттэт но юрттэт луоз шуыса оско арибашъёс.