Башкириысь бадӟым почта ёзэтъёсын Тол Бабайлэн почтаез ужаны кутскиз

Кызьы ивортэ Россиысь Почта, Дед Морозлэн почтаез ужаны кутскиз. Дед Морозлы гожтэтэз почта ящике 31-тӥ толсурозь  поныны луоз. Со понна чеберъяса тупатэм почта ящикъёсты центральной но бадӟымесь почта ёзэтъёсысь шедьтыны луэ. Нылпиослэсь Выль ар малпанъёссэс быдэстӥсь волшебниклы гожтэтэз огшорыяз почта ящике но куштыны луоз. Со одно ик адресатсэ шедьтоз.

Тол Бабайлэсь адрессэ гожтыны вунэтоно ӧвӧл: 162390, Россия, Вологодская область, город Великий Устюг, «Дом Деда Мороза». Нош пӧртэм интыосын улӥсьёс асьсэ Выль ар волшебниксылы гожтыны быгатозы: Свердловск улосын - Урал Морозлы, Ямалын - Ямал Ирилы, Удмуртиын - Тол Бабайлы яке Тол Айялы, Чувашиын - Хел Мучилы, Марий Элын - Йушто Кугызалы, Якутиын - Чысхаанлы, Карелиын —  Паккайнелы, Татарстанын но Башкортостанын — Кыш Бабайлы, Бурятиын — Сааган Убгэнлы.

«Гожтэтсэс ыстыны нылпиослы юрттэт сётыны быш=гатозы почтаын ужасьёс. Соос возьматозы, кызьы гожтэтэз шонер гожтоно, со Тол Бабай доры одно ик мед вуоз шуыса. Дед Морозлэсь ответ витись пиналъёс медаз вунэтэ индексэн асьсэлэсь улон адрессэс гожтыны", - валэкто УФПС РБ-ын.

Россиысь Почталэн лыдпусъёсызъя, кылем арын Великий Устюге 170 сюрс гожтэт ыстэмын вал.