Бускельёсмы дорын бадӟым фестиваль ортчиз

Фестиваль улсын трос пӧртэм ӵошатсконъёс но конкурсъёс радъяськизы. Кылсярысь, мылкыд карисьёс ӝӧквыл теннисэн но футболэн шудӥзы. Ӝӧквыл теннисэн шудӥсьёс пӧлын Бадӟым Гондырысь Дарья Нуриевалы удалтӥз – со кыкетӥ интые потӥз. Бадӟым Гондырысь команда  ӵошатсконъёсысь куинетӥ интыен бертӥз.

«Куеда мастеровая» конкурс-ярмаркаын Бадӟым Гондырысь культура юртын ужась Вячеслав Менликаевлы туйлэсь лэсьтэм ужъёсыз вормон ваизы. Сое «Мастер Золотые руки» дано нимын пусйизы. Нош  «СП им. Мичурина» ООО-лэн чабеез «Самый продаваемый товар» номинациын вормисе потӥз. Басьяськисьёс пӧлысь тросэз Гожанысь калыкен будэтэм ю тысез бырйизы. Фестивале ёросысь котькуд территориальной ёзэт нимысьтыз площадка дасяз. Бадӟым гондыръёслэн «Зарни чечы» площадказы нырысетӥ интыын луиз. Вераны кулэ, фестивале ёросысь котькуд удмурт гурт мыло-кыдо пыриськиз шуыса.

Туспуктэмъёс интернетысь басьтэмын.