Малы кулэ светофор?

Куарусён толэзе республикаямы ялэм «Внимание, дети!» акция улсын Янаул ёросысь Шудек гуртысь «Италмас»нылпи садын трос ужрадъёс ортчизы. Пичиослэн «Солнышко» группаязы «Светофорик» луиз. Визьнодасьёс пичильтыкъёсты светофорен, солэн тусъёсыныз тодматӥзы. Нылпиос «Дорога» темалы сӥзем суредъёсты учкизы, эскеризы, грузовой но капчи машинаослэн пӧртэмлыкъёссы сярысь веразы. Ужрад «Назови машину», «Поставь машину в гараж», «Выложи светофор» дидактической шудонъёсын йылпумъяськиз. Соос пичиослэсь ужрадын люкам тодон-валанзэс юнматӥзы.

«Затейники» группаын ПДД-лы сӥзем вераськон ортчиз. Соос «Малы кулэ светофор?», «Кызьы сюресэз выжоно, светофор ке ӧвӧо?»но мукет та выллем юанъёслы валэктонъёс утчазы, сюрес вылын ветлон правилоосты шудонъёс пыр тодазы ваизы. Ужрадъёсын нылпиос ПДД сярысь трос выльзэ тодӥзы на.

Фото: МБДОУ ДС "Италмас" с.Шудек