+9 °С
Салкым
Антитеррор
Вань иворъёс
Общество
21 Куарусён , 15:50

Футболэн но шудӥзы, волейболэн но кужымзэс эскеризы

Татышлы ёросысь Выль Татышлыысь культура юрт,  удмуртъёслэн историяя но культурая центрзы, библиотека берло дыре гурт калыксылэсь тазалыксэ кыдатонлы сӥзем ужрадъёс ортчыто.

Футболэн но шудӥзы, волейболэн но кужымзэс эскеризы
Футболэн но шудӥзы, волейболэн но кужымзэс эскеризы

Нырысь соос футболэн шудӥзы, нош та нуналъёсы волейболэн кужымзэс эскеризы. Шудӥсьёсты ӟечкыласа вераськиз Выль Татышлы гурт поселенилэн администрациеныз кивалтӥсь Н. В. Рахимьянов. Футболэн шудыны огъя ньыль командаос люкаськизы. Волейбол площадкаын соослэн лыдзы йылӥз: нылъёслэн кык командазы шудӥз, пиослэн - куинь. Нылъёс пӧлын вормисе потӥзы дышетскисьёс. Соослэн школаын ӵемысь волейболэн шудэмзы но спортлэн та видэныз зол эшъяськемзы шӧдӥськиз. Нош пиос пӧлын студентъёс кужмогес адскизы. Ужрадэз ортчытонэ бадӟым кужымзэ пыртӥз БР-ысь удмуртъёслэн НКЦ-ылэн Кенешезлэн ёзчиез, ДЮСШ-ысь методист А. Г. Зайноков.

Тросгес туспуктэмъёс библиотекалэн сайтаз возьматэмын.  

Автор:Оля Нигаматуллина
Читайте нас в