-25 °С
Салкым
Антитеррор
Вань иворъёс
Общество
5 августэ , 22:04

Бадӟым Качакын улӥсьёс ульчалэсь нуналзэ пусйизы

Калтасы ёросысь Бадӟым Качакын Молодёжная ульчалэсь праздниксэ ортчытӥзы.Сое радъян сярысь татын улӥсьёс но культура юртын, библиотекаын ужасьёс сюлмаськизы.

Бадӟым Качакын улӥсьёс ульчалэсь нуналзэ пусйизы
Бадӟым Качакын улӥсьёс ульчалэсь нуналзэ пусйизы

1982-тӥ арын «Красная Звезда» колхоз гуртын ужасьёслы Молодёжная ульчае улон юрт пуктыны кутскизы. Соку хозяйствоен гурт удысысь сӥё-дано ужась А. С. Сократов кивалтӥз. Ульчае кык квартираен ньыль корка, столовой пуктӥзы. Та вакытэ ик татчы мукет корка но ӝутыны кутскизы. 1984-тӥ арын Тимирхановъёслэн семьязы выль корказы улыны выжиз. Туннэ татын 21 корка лыдъяське. Та нуналэ ульчаысь тужгес бадӟымъёссэ улӥсьёсты – Н. Б. Байтимировез, Ф. М. Вагаповез, Л. И. Абдуллинаез, Т. У. Шайматоваез, А. К. Мазитовез – ӟечкылазы. Со сяна, тужгес пичизэ пиналэз Полина Гилязеваез, трос нылпиё анаез А.Э. Алитдиноваез ӟечкылазы. Ужрадэз дасясьёс ульчаысь котькин сярысь трос шуныт кылъёс веразы. Соос кема аръёс ӵоже ӵошен улэм семьяосты, гурт хозяйствоын, школаын, гурт поселениын улӥсьёсты, егит семьяосты  пусйизы.

Пумиськонэз «Зангари» калык ансамбль, Амалия Гилязева, Григорий Тимирбаев чебересь кырӟанъёсынызы шулдыртӥзы. Праздник дискотекаен йылпумъяськиз.  

Автор:Оля Нигаматуллина
Читайте нас в