+26 °С
Салкым
Антитеррор
Вань иворъёс
Общество
3 августэ , 10:05

Сюрес вылын сак луоно

Янаул ёросысь Шудек гуртысь модельной библиотекаын «Путешествие в страну дорожных знаков» ужрад ортчиз.

Сюрес вылын сак луоно
Сюрес вылын сак луоно

 Библиотекае школаын дышетскисьёс вуизы. Нырысь соос «Азбука безопасности со Смешариками» мультфильм учкизы. Собере соосын библиотекарь Людмила Садыкова сюрес вылын ветлон правилоос сярысь вераськиз. Нылъёс но пиос солэн юанъёсызлы пыр-поч валэктонъёс сётъязы, сюрес вылысь знакъёс водительёс понна гинэ пуктылэмын ӧвӧл, пешеходъёс но соосты эскерыны кулэ шуыса тодӥзы. Бӧрысь пиналъёс мадиськонъёслы валэктонъёс утчазы, сюрес вылын пумиськись знакъёсты эскеризы.

Ужрад «Чудеса из ничего» мастер-классэн йылпумъяськиз. Нылъёс но пиос фоамиранлэсь брелок лэсьтыны дышетскизы. Та нуналэ библиотекаын «Дорожная азбука» адӟытон дасямын вал. Сюрес вылын ветлон куронъёслы сӥзем книгаосты пиналъёс тунсыкъяськыса учкизы.

Фото: Шудекская сельская модельная библиотека

Автор:Миляуша Булатова
Читайте нас в