«Усточикар» котькуд ар пумита усто удмурт пиналъёсты

"Усточикарын" Башкортостанысь но Пермь шаерысь Куеда ёросысь пиналъёс шутэтскозы. Лагерен кивалтӥсьлэн А. Г. Зайноковлэн ивортэмезъя, соос понна «Театр», «Эстрада», «Фольклор», «Киуж» ӧръёс ужалозы. Нылпиослэсь быгатонлыксэс усьтон но азинтон бордын Удмурт Элькунысь но Башкортостанысь ӧнерчиос тыршозы. Нош кык элькунъёсысь ик устоосыз вожатойёс соослэсь ваньмон дырзэс пайдаё но тунсыко ортчытозы. Туннэ татын одӥгез ӟырдыт нуналзы - ӵуказе лагерез усьтонлы сӥзем бадӟым ужрад луоз.