+23 °С
Салкым
Антитеррор
Вань иворъёс
Общество
1 августэ , 16:15

Турфест егитъёсты огинэ люказ

Калтасы ёросын «Турфест-2022» ёрос ужрад ортчиз. Отчы егитъёс пыриськизы. Туристической фестивалез Калтасы ёросысь егитъёслэн политиказыя но спортъя комитет радъяз.

Турфест егитъёсты огинэ люказ
Турфест егитъёсты огинэ люказ

Фестивальлэн программаяз «диалог на равных» вераськон пыртэмын вал. Отчы Калтасы ёрос администрациен кивалтӥсьлэн социальной ужпумъёсъя воштӥсез Ф. Н. Гафарова, Калтасы ёросысь культура ёзэтэн кивалтӥсь Г. В. Лисков но Калтасы ёросысь егитъёслэн политиказыя но спортъя комитетэн кивалтӥсь С. Г. Каташова пыриськизы. «Егитъёсын вераськон одӥг часлэсь кема кыстӥськиз. Соос пӧртэм юанъёсын вазиськизы. Егит нылъёс но пиос ёросмылэн ӟеч вуоноеныз герӟаськем малпанъёссэс но шараязы», - вера Светлана Геннадьевна.

Турфестэ вуэм командаос «Визитка» конкурсын асьсэ сярысь веразы. Собере соосты пӧртэм могӟетъёсын 1,5 иськем сюрес витиз, кытын егит нылъёс но пиос сизьым пӧртэм эскеронъёс пыр потӥзы. Соос ваньзы зол кужымзэс, чидась луэмзэс возьматӥзы. Тазэ конкурсэз Калтасыысь ДЮСШ-ын ужась ӧнерчиос но тренеръёс радъязы.

Пӧзьтӥськисьёслэн конкурссы но тунсыко пӧрмиз. Котькуд команда аспӧртэм ческыт сиёнэныз паймытӥз. Ужрад «Творческая самодеятельность» конкурсэн йылпумъяськиз.

- Турфестэ удмурт гуртъёсысь егитъёс но мыло-кыдо пыриськизы, - вера С. Каташова. – Тюльди гурт поселенилэн командаез понна шудӥзы Бадӟым Туганеевоысь егитъёс. Соос но Бадӟым Качакысь команда усто быгатонлыкъёссэс возьматӥзы.

Туганеевоос ваньзылэсь кужмо луизы: турфестысь нырысетӥ интыен бертӥзы. Качакъёсты ужрадэ пыриськемзы понна Тау карон гожтэтэн пусйизы. Командаос вуоно арын но турфестэ пыриськон малпанзэс веразы.

Фото: Большетуганеевский сельский клуб

Автор:Миляуша Булатова
Читайте нас в