Башкир валъёслы сӥзем фестивальын кумыс дасясьёслэн адӟытонзы ортчоз

Башкортостанын кумыс быдэс семьяен, гуртэн дасяло, та удыс туж капчи ӧвӧл ке но. Валэз нуналаз куинь пол киын кыско. Кумысэз дасяны кутскемзы бере витетӥ нуналскын гинэ юыны яра.Городын со 80-250 манет сылэ.  

Гузалия Рахматуллина Баймак ёросысь Бахтигареево гуртысь вуэм. Кумыс соос быдэс семьяенызы дасяло. Анай-атайзылы кык нылъёссы юртто. Семьялэн 58 валэз, соос пӧлысь 15-сэ кыско. Ужзы секыт ке но, Рахматуллинъёс уг ӝожтӥсько. Кумыссэс Уфаын, Сибайын,Баймакын, Талкасын но мукет интыосын вузало.

Фото: Сергей Чудаков