Учалы ёросысь ӧнерчи 150 сюрс манет тыр кузьым вузаны малпа

Та удыслы сое 2013-тӥ арын пиез дышетэм. «Мон ачим металлург, - вераз со «Баймакский вестник» газетлэн корреспондентэзлы. – Пенсие потэм бере кыӵе ке тунсыко уж борды кутскыны малпай. Соку пие башкиръёсын герӟаськем кузьымъёс дася вал. Та удыслы монэ но дышетӥз».  

Нырысь со пичиесь магнитикъёс лэсьтылӥз, собере, пуэн ужан станокъёс басьтыса, синпель кузьымъёс дасяны кутскиз. Башкир валлэн фестиваляз но со трос выль ужъёссэ вуттӥз. Вераны кулэ, А. Хабибуллин арлы быдэ сабантуйёсын вузаське. Кылем арын Курганын ортчем сабантуйын со 150 сюрс манет тыр кузьым вузам. Башкир валлэн фестиваляз Азат Хабибуллин та лыдпусэз ортчытыны малпа.

Ӧнерчи пӧртэм конкурсъёсын но фестивальёсын вормисьёсын пӧлын луылӥз ни. Одӥг пол солы Учалы ёрос администрация «Газель» но кузьмаз.

Туспуктӥз Дмитрий Фадеев