Фестивальын Африкаысь кунолы но туж тунсыко

Анголаысь Латисия Шиока отчы мас-рестлингын кужымзэ эскерыны вуиз.  

Егит ныл ӟуч кылэз ӟеч тодэ. Со Башкир кун университетын ньылетӥ курсын дышетске. Латисия – вуоно экономист. Мас-рестлинген пичиысен тунсыкъяське.

- Туннэ ми спортивной инвентарьмес дасяськомы, ӵуказе ӵошатскон борды кутскомы, - вера фестивальлэн куноез. – Мон таӵе фестивале нырысьсэ вуи. Татын туж кельше. Сое радъясьёслы бадӟым тау шуисько.

Латисия ӝоген дышетсконзэ йылпумъялоз. Вылӥ тодон-валан басьтэмез бере со вордскем палъёсаз бертыны малпа. «Татын туж кельше, озьы ке но сюлэм дор палам куриське», - вераз со "Баймаксий вестник" газетлэн корреспондентэзлы.